امير و اميرة

محمود القصة بايخة وما فهمت منها شي لانها بالمغربي

أمير وأميرة

البارت 1

وقف السيد أحمد والسيد محمد كينتظرو اما قسم الولادة وهما متوترين خايفين،وكيدعيو (يدعون) ربهم يقوم زوجاتهم بالسلامة

وهم غاديين جايين في الممر ويشوفو ف الساعة

أحمد:ياربي ساعتين ومها ف الداخل ومازال ماكاين والو

محمد؛إصبر دابا يفرجها ربي ادعي لهم بالسلامة هذه ماشي أول مرة

أحمد:راني عارف لكن راه صعيبة شحال من وحدة ...

( قاطعو محمد )

محمد:بلا متكمل فال الله ولا فالك انشاء الله مايكون غير الخير

أحمد: ياربي آمين

( مازال صراخ فاطمة وعائشة مسموع )

بعد مدة توقف الصراخ وسمعو صراخ اطفال

أحمد:محمد سمعتي (كان فرحان )

محمد؛ اه سمعت

وخرجات الممرضة وقصداتهوم

الممرضة:انتوما هما رجال المراوات لي الداخل

محمد:اه ياك ماكاين باس

الممرضة:هههه لا والو باس،مبروك عليكوم وراه زوجاتكم بخير بالحق منعرفش شكون مرات كل واحد فيكوم حتى تدخلو المهم وحدة ولدات بنت مثل القمر ماشاء الله والثبية ولدات صبي تابارك الله عليه وفي صحة جيدة كلهم مزيانين وحتى الامهات،تقول عليهوم توأم تولدو ف نفس الوقت حنى وماعارفينش فارق الوقت ههههههههههههههه

أحمد يعانق محمد

أحمد:الحمد لله مبارك ومسعود علينا بجوج

محمد:ههههههه نحمدك يا ربي ونشكرو،(وهو يتكلم مع الممرضة)؛واش يمكن لينا نشوفوهوم؟؟

الممرضة أكيد تفضلو

اما الامهات ف الداخل بغاو يلعبو ف رجالهم شويا قامو بدلو الأطفال

دخلو الآباء وكل واحد بارك لزوجة الثاني وراح عند زوجتو

أحمديكمل زوجته عائشة) على سلامتك،كي وليتي واش لاباس،والطفل

اجي بعدا واش بنت ولا دري؟؟

عائشة :اوا شوف انت

أحمد:هادي متكون غير بنية ياك؟؟ كتشبه ليا هههههههههه

عائشة- اه بنية هههههههههههههههه

أحمد: مالك كتضحكي غريبة انا على بالي لمرا فاش تولد تكون عيانا ونتي تضحكي عليا ههههههههههههههه

محمديكلم فاطمة) على سلامتك

فاطمة:الله يسلمك

محمد (ويبدو عليه قليل من الحزن):جانا ولد ياك؟؟

فاطمة:هاهو شوفو

محمد:تبارك الله عليه يشبه لي

فاطمة وعائشة:ههههههههههه

محمد وأحمد: مالكم كتضحكو

أحمد كان فرحان لانه صارت عندو بنت ثانية،اما محمد كان حزين شويا ولكن مابغاش يبين،كان باغي تولي عندو بنت لانه عندو غير ولاد وكان حاب يسميها أميرة

أحمد:انت كنتي تتمنى تكون عندك بنت وتسميها أميرة لذلك غادي نسمي البنت أميرة اووك ورا هي بنتك كما هي بنتي

محمد:ههههه اووك،مزيان عطيني بنتي أميرة،كنت نتمنى نسمي بنتي بهاد الاسم لكن بنتك بنتي ويلق عليها هاذ الاسم الجميل،وانا نعطيك الإذن تسمي ولدي واخا(اووك )

محمد:بما انهم تولدو فنفس الوقت يعني هما كتوأم نسميه أمير

هههههههههه أمير وأميرة زوينة هادي

محمد(يكلم النساء)؛اشنو رأيكم؟؟

فاطمة وعائشة:حنى موافقين ههههههههههه،

فاطمة (تكلم محمد) إعطي الولد ل عائشة

عائشةتكلم أحمد) إعطي البنت لفاطمة

الرجال ما فهمو والو ودارو لي قالوه النساء

محمد وأحمد:مالكم كتضحكو تاني أش واقع

فاطمة؛خود بنت أميرة ههههه

عائشة:خود ولدك أمير ههههه

وعاد الرجال فهمو

والكل:هههههههههههه

محمد:هاد النسا خطار وانا طيقت وقلت راه كيشبهلي ههههههههههه

أحمد؛حتى أنا صدقت راسي ههههههههههههههههه

محمد:فيها خير،ولكن علاش درتو هاكاك

فاطمة ؛باش نختبرو حاسة الأبوة عندكوم،صدقتو والو حتى ولادكوم ماعارفينهم هههههههههههه

محمد:راه مازال صغار تقول عجينة حمرا

الكل:ههههههههههههههههههههههه

أحمد:يارب كما فرحنا بيهوم يوم ولادتهم نفرحو بيهوم وهما عرسان انشاء الله

محمد وفاطمة وعائشة:آمين

أحمد:وغادي تكون اجمل حاجة ف الدنيا الى جمعهوم الله ف كبرهم (وغمز لمحمد )

وضحك وقال الى بغا بابات البنت نجيو نخطبو هههههههههههه

محمد: هههههه واش غادي نلقى لبنتي أحسن من ولدكوم أمير راه أميرة ماتدي غير أمير كيفحالها هههههههههههههههه

فاطمة وعائشة:ههههههههه والله انتوما مجانين والى مابغاو ف كبرهم؟؟

محمد:مالها بخاطرهم ههههههه دابا نشوفو

أحمد:اه دابا تشوفو علاش قادين هههههههههههههه،أنا طلبت منك بنتك ل ولدي أمير الى قبلتي علينا هههههههههههههه

محمد:وأنا عطيتك هههههههههه

أما النساء قعدو يضحكو على رجالهم هههههههههههههه

محمد:غادي نخليوكوم دابا ترتاحو حنى غاديين نخبرو لولاد ف الدار والاهل (وقام بتقبيل أميرة وأمير على جبهتهم )

أحمد:يالاهو تهلاو ف راسكوم والامراء ديالنا هههههههههههه (وقبل الطفلين وخرج مع محمد )

وقصدو الدار وخبرو اولادهم واهلهم والجيران والكل فرح ليهوم،وقررو يعملو السبوع سوية لكون الاطفال تولدو ف نفس الوقت

أحمد ومحمد أصدقاء من الطفولة وأقرباء من بعيد وجيران وشركاء ف العمل

كيفحال الاخوة وأحسن

بعد يومين خرجو النساء والطفلين من المستشفى ومشاو للدار

وعملو السبوع والكل فرح

بعد ولادة أمير وأميرة تطور العمل ديال أحمد ومحمد و ولى (صار) مزدهر

كان قدوم أميرة وأميرة وجه السعد على الأسرتين

كانت توقعات الجميع أن يكون أمير وأميرة مقربين من بعضهم لكن خالفو التوقعات، كانو بعاد على بعضهم وكانو يتشاجرو ف صغرهم بززاف واهلهم يقولو يكبرو ويعقلو،كانو اهلهم ديما يعملو ليهوم عيد ميلادهم مع بعض مع ان ذلك يزعجهم لكن كيحاولو يدوزو النهار على خير وبلا مايتقلقو اهلهم

بعد مرور 17 سنة لازالت علاقتهم سطحية يعني علاقة سلام وعليك السلام اما اذا طولو غادي يتشاجرو.


البات 2 قريبا